Bat ka matlab

 Sab Matlab ki bat samajhte hain 

Kaash koi bat ka Matlab bhi samjhe 

Farishta or insan

 Tu farishta he to taqaddus mubaarak ho tujhe

Ham aadmi  hain to aib,o hunar rakhte hain

Dil chahta hai

 Dil chahta hai kahin roposh ho jaun

Me achaanak youn he khaamosh ho jaun

Bat ,or zat

 Bat ke andar ki bat samajhne ke leye

Zat se andar ki zat se  raabta zaroori hai

Mera mizaj,or sheher

 Kahin vafa nahin thi, Har ek sawali tha

Mere mizaj ke logon se sheher khali tha

Khoon ke rishte

khoon ke rishton me Agar hoti mohobbat 

Yousuf na bikta misr ke baazaaron me

Mareeza.e ishque

 Mareeza.e ishq hai tu, dava.e dil samajh dilbar ko

Phir marz Jaane, dava jaane, shifa Jane, khuda jaane

Faisla

 Agar be aib chaho to farishto se nibaah kar lo

Me Adam ki nishani hun mujhe insan rehne do

Sha.hh zaib

 Insan ke pas khush rehne ke hazaaron jawaaz hote hain

Magar vo ek udasi ki zarb se un sab ka qatl kar deta hai

Lafz

 Lafz taaseer se bante hain talaffuz se nahi

Ahla,e dil aj bhi hain ahla,e zuban se aage

Naya din

 Sochon ke badalne se nikalta hai Naya din

Sooraj ke chamakne ko sawera nahi kehte

Hanste huye chehre

 Hanste huye chehre ki tehqeeq karlo

Jo Sach lag raha hai mumkin hai adakari nikle

Atbaf abrak

 Youn he na tatolo hame lafzon me hamare

Ham bat nahi bat ke Maa,ino me milenge 

Zindagi, bandagi

 Zindagi Aamad baraye bandagi

Zindagi be bandagi sharmindagi

Hamne umr guzar di

 Kabhi mosmo ke sar.aab me kabhi Bama,o dar ke Azaab me

Vahan umr hamne guzaar di jahan sans lena muhaal tha

Waba ka khauf

 Baahar waba ka khauf hai, ghar me bala ki bhook

Kis maut se marun me zara ray deejeye

Munafqat

 Guftugu ham se or khayalo me koi or

Haal apka bhi meri namazon jesa he

Khuda naraz

 Bohot parwaaz kar baithe 

Khuda naaraz kar baithe

Wasif ali wasif

 Warq warq meri nazron me kaynaat ka he

Ke dasta.e ghaib se likhi hui kitab hun me

Halaate mulk

 Kyon ham ko sunate ho jahannam ke fasaane

Is mulk me jeene ki saza kam to nahin hai

 Har khoon wich wafa nahi hondi 

                  Bulya

Naslan wekh ke yar banaya kar

Shikva,e zindagi

 Zindagi tujh ko Agar vajd me laun wapas

Chak pe Kozah rakhun, khak banaun wapas

Tha hukm, so jannat se zamin par aya

Ho gaya khatm tamasha, to me jaun wapas 

Khuda ki bakhshish

 Arre waiz- hisabe hashr se aysa bhi kya darna

Voh bakhshish par tule to farde asiyan kon dekhega

Mera andar

Isi talaashe behes me kho gya hun me

Jo me nahin hun to kyon hun¿¿

Jo hun to kya hun¿¿¿¿

Mere aib apki nazar

 Aj phir tum ko mere aib nazar ayenge

Aj phir tumne kisi or ki ainak pehni he

Meri umr

 Waqt se pehle haadson se Lada hun

Me apni umr se Kai saal bada hun

Mera ishque

 Waqt laga he tum ko jazb karne me

Ab khurachta hun to khud udhadne lagta hun

Tilismi sheher

 Har sheher talsimaat he kuch keh nahi sakte

Pehlu me khada shakhs farishta he ya iblees

Mohsin naqvi

 Me nafraton ke jahan me reh kar,  Juda rahoonga to kya karoonga

Ye theek kehte ho  bewafa hun, wafa karunga to kya karoonga 

Bus ek tu he to reh gya he, jahan Saara to kho chuka hun

Tujhe bhi apni ana me aa kar, khafa karoonga to  kya karoonga

Hazaar sajde to kar chuka hun, qaza tumhari mohobbaton ke

Me ab dikhaave ka koi sajda, Ada karoonga to kya karoonga 

Baghair pani bhi koi machli, bhala kabhi reh saki he zindah

Me tujh ko kho kar, kisi ka ho kar, bta karoonga to kya karoonga 

Joon eliya

 Joon gham ke hujoom se nikle

Or janazah bhi dhoom se nikle

Or janaze me hon ye shore hazin

Aj Vo mar gaya jo tha he nahi

Hamari kahani

 Qabron me nahin hamko kitabon me utaro

Ham log mohobbat ki kahani me mare hain

Mera aaina

Aaina yahi kehta hai kehna to nahi chaheye tha

Tu abhi zinda he, rehna to nahi chaheye tha

Ghame intiha

 Phir intiha ye ho jati he ke khushiyan koi

Khairat me bhi de to qubool nahin ki jaatin

Buzurgon ki chahat

 Badi chah he mujhe Boodhe chehron se

Qaid hoti hai unme ek zindagi sari

Sha,iri

 Sha.iri ek aysi ujrat hai 

Jiski Har aah, pe ek wahh milti hai

Ek chup so sukh

 Alfaz ki talkhiyan meri vazaahat ke qabil nahin

Mere sukoot ka thappad kafi hai Har ghustakh lehje ke leye

Toheene ashque

 Palkon ki had ko tod ke Daman pe aa gira

Ek ashque mere sabr ki toheen kar gaya

Mera imtihan

 Ghame zindagi, ghame bandagi, ghame do jahan, gham karwan

Meri Har nazar teri muntazar, teri Har nazar mera imtihan

Muqaddar

 Ham ko hamari neend bhi poori nahi mili

Logon ko un ke khwab jaga kar deye gye

Zindagi ka hasil

 Haasile zindagi , hasrat ke siva kuch bhi nahin

Ye keya nahi, vo hua nahi, ye Mila nahi, vo raha nahi

Khushiyan

 Khushiyan hamare pas kahan mustaqil rahin

Baahar kabhi hanse bhi to ghar aa ke ro pade

Alfaz ke aks

 Pata he alfaz bhi rote hain kabhi kabhi

Lekin unki siskiyan likhne vala he sun sakta he

Hale dil

 Vo pas se jo guzre hal tak na poocha 

Me kaise man lun vo door ja ke roye

Mirza ghalib

 Muddat ke  ba aad ghalib us laparvaah ne

Haal pooch kar phir vahi haal kar dya

Mirza ghalib

 Jate huye kehte ho qayamat ko milenge

Kya khoob ! Qayamat ka he Goya koi din or

Mirza ghalib

 Karne gye the usse taghaful ka ham gila

Ki ek he nigaah ke bus khaak ho gye

Dile na ummeed

 Dil na ummeed to nahin na kaam he to hai

Lambi he gham ki sham magar sham he to hai

Momin ya munafiq

 Thoda momin thoda munafiq hun

Me bhi mahol ke mutabiq hun

Death.s true

 Do gaz sahi magar ye meri milkeyat to he

Aye mout toone mujhe zamidar kar dya

Khuda ki marzi

 Kisi Bashar me Hazaar khami Agar jo dekho to chup he rehna

Kisi bashar ka jo raz pao ya aib dekho to chup he rehna

Agar manadi ko log aayen tumhen Kureden tumhen manayen 

Tumhari hasti ke geet gayen

Tumhen kahen ki bashar me dekhi buraiyon ko Bayan kar do

To chup he rehna

Jawaaz ye hai .daleel ye hai

Zaeef Lamhon ki laghzishon  ko 

Haraam naton ki qurbaton ko

Hamari sari khabasaton ko 

Hamari sari Himaqaton ko

Vo janta hai 

Vo dekhta hai

Magar vo chup hai

Agar vo chup hai

to meri Mano vo keh raha hai ki chup he rehna

Nashebofaraz

 Nashebofaraaz ko jo hamne sarbaran kya 

Goonj waah waah ki thi or ham vahi rahe

Mashooque

 Tujhko dekha to seere chashm huye

Tujhko chaha to or chah na ki

True

 Yahan bikta hai sab kuch zara Sambhal kar rehna

Log hawaon ko bhi bech dete hai. Ghubbaron me dalkar

Jazbat

 Pee ja Aiyam ki talkhi ko bhi Hans kar arif

Gham ko sehne me bhi qudrat ne maza rakha hai

Hay

 Yar 

        Qaza

                   Ho

                             Jaye

     To dukh wajib ho jata hai

Halat or khayalat

 Kehta nahi hai koi bhi Sach bat in Dino

Achche nahin hain sheher ke halat in Dino

Ahbab ka ravaiya bhi kuch badla hua sa hai

Kuch tang ho gya hai mera hath in Dino

Us ko bhi apne husn pe kuch naz ho gya 

Thehre huye hain mere bhi jazbat in Dino

Uljha dya hai mujhko ghame rozgar ne

Mumkin nahi hai tujhse mulaqat in dino

Arif mujhe bhi dukh tha kabhi kainat ka

Khud me ulajh gai hai meri zat in dino

Baba ji

 Baba ap ki awaz bhi nahi Mayassar

Or din eid ke aa Rhe hain 

Mohobbat

 Vo kehti hai suno jana mohobbat mom ka ghar hai

Tapeshi badgumani ki kahin pighla na de isko

Me kehta hun ke jis dil me zara bhi badgumani ho 

Vahan kuch or ho to ho mohobbat ho nahi sakti

Kaifi azmi saahab

 Itna to zindagi me kisi ki khalal pade

Hasne ho sukoon na rone se kal pade 

Jis Tarah has raha hun me pi pi ke ashqo gham 

Koi doosra hase to kaleja nikal pade

Ek tum ke tum ko nashebofaraaz he 

Ek ham ke chal pade to behre haal chal pade

Muddat se ki jo kisi ne lutf ki nigaah

Dil khush to ho gya magar ansu nikal pade

Purana shahar

 Har bat pe kehte ho tum ke tu kya hai 

Tum he kaho ye Andaz ae guftugu kya hai

Ragon me doudte phirne ke hum nahi qail

Jab ankh he se na tapka to phir lahoo kya hai

Chipak raha hai badan par lahoo se pairaahan 

Hamari Jeb ko ab haajate rafoo kya hai

Purana shahar

 Roz thakta hun me kar kar ke marammat apni

Roz ek Naya nuqs mujhme nikal ata he